LONDËR- Ky është momenti dramatik kur një 22-vjeçar shqiptar, emigrant ilegal është kapur nga policia londineze.

Sipas Daily Mail, i riu quhet Eduart Matranxhi dhe kishte udhëtuar drejt Anglisë në mënyrë ileagle. Ai është arrestuar teksa mendonte që do takonte në Sunderland, më 30 korrik, dy vajza të mitura, 14-vjeçare, Laura dhe Louise të cilat i kishte joshur virtualisht.

Me mendjen që do të takohej me to për seks, i riu ra pre e “gjuetarëve të pedofilisë”.

Themi këtë, pasi të riut i është ngritur kurth nga një rrjet i specializuar për të kapur pedofilët. Ai mendonte se po komunikonte realisht me dy vajza 14 vjeçare që ishin të gatshme të kryenin marrëdhënie seksuale me të, por ra në grackën e policëve, të cilët e arrestuan në vendin ku do takohej me vajzat.

Ndonëse ka deklaruar që nuk ishte në dijeni të moshës së vajzës me të cilën po diskutonte, hetuesit kanë arritur të gjurmojnë mesazhet e tij me “vajzat e rreme”, ku shkruante: “Jeni të sigurta që doni të bëni seks, jeni vetëm 14 vjeç. Unë mund të futem në burg për këtë”.

Gjatë momentit të arrestimit i riu është mbajtur në dysheme me duart e ngritura lart, ndërsa policia ka arritur t’i gjejë në xhep dy kondomë.

Sipas avokatit të tij mbrojtës, i riu me të vërtetë ka hyrë ilegalisht në Britani, por ka pasur për qëllim të punojë, siç ka bërë deri në këtë kohë. Avokati ka deklaruar se është i parrezikshëm.

Pas provave të “gjuetarëve të pedofilisë” ai është dënuar me 12 muaj burg dhe rrezikon të ekstradohet.

(m.a/BalkanWeb)