Franca do të sigurojë pajisje mbrojtëse për Ukrainën, tha presidenti francez Emmanuel Macron në një fjalim me shkrim para dy organeve legjislative të vendit të premten. Fjalimi nuk detajoi se cilat do të ishin pajisjet.

Macron shkroi se Franca do t’i sigurojë Ukrainës një “ndihmë shtesë buxhetore prej 300 milionë euro” dhe “do të sigurojë materialin mbrojtës që i nevojitet”.
Franca nuk ka ofruar më parë armë për Ukrainën, por ka ofruar ndihmë humanitare dhe mbështetje buxhetore.

Presidenti ukrainas Volodymyr Zelensky u ka bërë thirrje qytetarëve që të marrin armët kundër trupave ruse dhe u kanë shpërndarë armë dhe municione rezervistëve.