Ne po bëjmë të pamundurën për të shmangur një izolim të përgjithshëm, por nuk përjashtojmë asgjë, theksoi sot për mikrofonin e BFM-TV, ministrja franceze e Tranzicionit Ekologjik, Elisabeth Borne.

“Masat e marra nga qeveria parashikojnë të shmangin një izolim tjetër të përgjithshëm. Por, me këtë virus ne nuk përjashtojmë asgjë”, shtoi ai.

Pas kufizimeve në rajonin e Marsejës dhe Aix-en-Provence, si dhe në Paris dhe në 10 qytete të tjera, një kufizim tjetër kundër armikut të padukshëm hyri në fuqi sot në rajonet e pjesës së Veriut dhe të Hauts-de-France.

Baret dhe sallonet e çajit do të mbyllen duke filluar nga ora 22:00, ndalohet alkooli nga ora 20:00 deri në orën 06:00, ndalohet muzika e lartë nga ora 20:00 deri në orën 06:00 si dhe takimet familjare në vendet publike.

Zgjedhje që në Francë merren në nivel lokal, nga prefektët, sipas të dhënave që lidhen me epideminë.