FRANCË- Pas një aksioni mirë-organizuar kërkimi, policia franceze ka gjetur të gjitha bizhuteritë e vjedhura nga grabitësit e armatosur, në një dyqan në hotelin e famshëm Ritz në Paris të mërkurën në mbrëmje.

Zyrtarë të policisë thanë se sendet me vlerë rreth 4.5 milionë euro ishin në një thes, që i kishte rënë njërit nga anëtarët e bandës.

Të mërkurën në mbrëmje, njerëz të armatosur grabitën mallra me vlerë prej disa milionë eurosh nga një dyqan bizhuterish në hotelin e famshëm Ritz në Paris.

Pesë burra të armatosur thyen një dritare në dyqanin brenda hotelit, rreth orës 18:00 me orën lokale dhe arritën të realizojnë grabitjen. Tre prej grabitësve janë arrestuar, ndërsa dy të tjerë mbeten ende në arrati.
(i.ç/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb