Ish-legjenda e Chelsea, Frank Lampard dhe bashkëshortja e tij Christine, janë bërë prindër për herë të dytë. Ylli i “Loose Women”, zbuloi në janar se është shtatzënë me fëmijën e dytë, duke shtuar se është e shqetësuar për procesin e lindjes, për shkak të prezencës së COVID-19. Përmes një postimi të bërë në Instagram të hënën në mbrëmje, prezantuesja irlandeze zbuloi se ka sjellë në jetë djalin Freddie.
Në një foto krah të birit, 42-vjeçarja shtoi: “Le të ju prezantojmë me shtesën tonë më të re. Frederick (Freddie) George Lampard! Ne jemi shumë të dashuruar”.
Kjo për Christine është fëmija i dytë, ndërsa për Frank i katërti, pasi ka dy fëmijë nga një martesë e mëparshme. Christine dhe Frank u martuan në një ceremony luksoze në Londër, para gjashtë vitesh. Në vitin 2018, ata njoftuan se ishin në pritje të fëmijës së tyre të parë së bashku, e në jetë erdhi vogëlushja Patricia Charlotte.
