Lajme të mira për Milanin në prag të rikthimit në fushë pas eliminatoreve të Botërorit. Të gjithë futbollistët kuqezi janë kthyer në formë pas impenjimit me kombëtaret e tyre dhe janë gati për sfidën e së shtunës në mesditë kundër Sampdorias.

Pas gati dy javësh, Pioli mundi të stërvisë thuajse të plotë skuadrën, pasi sipas programit janë bashkuar Ibrahimovic, Calhanoglu, apo edhe Kessi që luajti në eliminatoret e Kupës së Afrikës. Ndërkohë edhe Donnarumma mund të përgatitet nga dita e sotme me ekipin, pasi rezultoi negativ në testin molekular. Portieri mbajti në ankth kuqezinjtë, pasi rasteve të shumta pozitive në kombëtaren italiane.

Lajme të mira për Milanin vijnë edhe nga infermieria. Rebic ka kaluar plotësisht problemet fizike dhe do të jetë në fushë nga minuta e parë në ndeshjen kundër Sampdorias. Po ashtu, afër rikthimit të gatshëm janë Leao dhe Mandzukic, ndërsa për shërbimet e Romagnoli dhe Calabria, trajnerit Pioli duhet të presë edhe pak javë.
(balkanweb)