DEVOLL
Policia Kufitare në bashkëpunim me Frontex kanë ndaluar mbrëmjen e së dielës 16 emigrantë të paligjshëm në Devoll.
Gazetarja e “BalkanWeb”, Lorena Kodra raporton se emigrantët e ndaluar janë me kombësi të ndryshme si irakiene, siriane, algjeriane dhe marokene.
Në mesin e të ndaluarve ka gra dhe fëmijë, të cilët u kapën në afërsi të fshatit Trestenik. Burime nga policia kufitare bëjnë të ditur për “BalkanWeb” se emigrantet po intervistohen aktualisht në pikën kufitare të Kapshticës.