Pas 84 vjetësh trupi i gjuhëtarit, etnologut, profesorit, bibliografit, diplomatit dhe përkthyesit Gjergj Pekmezi i cili prehej në Austri, do të prehet në Atdhe.

Interesimi i autoriteteve lokale të qarkut të Korçës dhe bashkisë së Pogradecit, gjeti përkrahjen e deputetes Olta Xhaçka, dhe në bashkëpunim me ambasadën tonë në Vjenë u mundësua realizimi i dëshirës së familjarëve dhe qytetarëve pogradecarë për kthimin e eshtrave të Gjergj Pekmezit.

Gjergj Pekmezi (2)
Gjergj Pekmezi (2)

Sot në Akademinë e Shkencave u bënë homazhe në nder të kësaj figure dhe më pas eshtrat e Gjergj Pekmezit do të prehen në vendlindjen e tij në Pogradec.

Prefekti i Qarkut të Korçës Nertil Jole, i cili mori pjesë në ceremoni, tha se ndihet shumë mirë që përpjekjet e përbashkëta me kreun e bashkisë së Pogradecit dhe ministren e Jashtme Olta Xhaçka, konkluduan në realizimin e dëshirës dhe kërkesës së kahershme të familjes Pekmezi. Ai tha se nderimi për figura të tilla i shërben forcimit të ndërgjegjes sonë kombëtare, brezave që vijnë, i shërben mbrojtjes së rrugëtimit historik të popullit tonë për liri e pavarësi si dhe për ruajtjen e identitetit kombëtar.

  • foto galeri
  • foto galeri
  • foto galeri
  • foto galeri
  • foto galeri
  • foto galeri
  • foto galeri

Gjergj Pekmezi është hartuesi i Gramatikës së parë të gjuhës shqipe, e ndër të tjera edhe kryetar i “Komisisë Letrare të Shkodrës”, ku me Luigj Gurakuqin, Gjergj Fishtën, Ndre Mjedën e patriotë të tjerë bënë punë të mëdha për shkollat, gjuhën tonë dhe librat shqip.

Në nder të Gjergj Pekmezit, i njohur si profesor i shqipes, katedra e albanologjisë ne Universitetin e Vjenës mbante emrin “Prof. Dr. Gjergj Pekmezi”.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb