TEPELENE- Një person ka humbur jetën si pasojë e një aksidenti rrugor të ndodhur në Tepelenë ditën e sotme. Ngjarja ka ndodhur rreth orës 16:00 pranë Kalasë në Tepelenë, teksa një furgon është përplasur me një kamion.
Si pasojë e përplasjes ka humbur jetën drejtuesi i kamionit, Hysen Mema. Ndërsa të plagosur kanë mbetur 6 persona që udhëtonin me furgonin tip “Ford”, të linjës Memaliaj-Tepelenë. Të plagosurit janë dërguar në spital për të marrë ndihmën e nevojshme mjekësore, ndërsa njëri prej tyre ndodhet në gjendje më të rëndë.
Mësohet se kamioni ishte ngarkuar me inerte për mirëmbajtjen e rrugës.
Ndërkaq, në vendin e ngjarjes kanë mbërritur uniformat e policisë dhe po punohet për hetimin dhe zbardhjen e plotë të shkaqeve dhe rrethanave të aksidentit.
(el.sp/BalkanWeb)