Në Holandë patjetër, por edhe në Europa ekzalton “yjet” e rinj të futbollit. Ajax i Amasterdamit ka fituar zemrat e të gjithëve pas fitores në transfertën kundër Torinos dhe kualifikimit të gjysmëfinalet e Ligës së Kampioneve.
Të përditëshmet holandeze nuk e fshehin aspak krenarinë për një gjeneratë të re talentesh që po kthejnë kohën e “futbollit total” të gjeniut Johan Cruyff. Mjafton të shohësh titullin kryesor të gazetës sportive më të madhe portugeze “A’Bola”, që i cilëson lojtarët e Ajax si “nipat e legjendës së futbollit holandez dhe atij botëror”.
Krejt e ndryshme është ndjesia që shpërndajnë faqet e para të mediave italiane, mëngjesin pas humbjes dhe eliminimit të Juventusit nga Champions. Nuk mungojnë titujt fatalistë, që në përgjithësi shoqërojnë foton e Cristiano Ronaldos të zhgënjyer.
Në Spanjë ekziston një tjetër atmosferë. Lionel Messi është heroi kryesor në titujt dhe faqet e para të mediave iberike.
Mbi të gjitha ato katalunjase nuk e frenojnë aspak entuziazmin se Barcelona do të kthejë në “Camp Nou” trofeun e Champions.
“Pleshti” merr edhe elozhet e mediave angleze, të cilat ngrejnë në piedestal paraqitjen e sulmuesit argjentinas, i cili kishte meritën kryesore në humbjen e Manchester United. Port ë përditëshmet britanike nuk harrojnë të “kryqëzojnë” me kritika portierin De Gea, edhe ai protagonist me gabimin në golin e dytë të Lionel Messi.
(balkanweb)