Ish-kryeministri Sali Berisha ka reaguar për shoqërimin në komisariatin e Burrelit të ish-deputetes demokrate, Dhurata Çupi, pas përplasjeve në KZAZ e kësaj bashkie.
Në një reagim të ashpër në “Facebook”, ish-kryeministri Berisha shkruan se ish-deputetja është rrëmbyer nga gangsterët me uniformë të narkopolicisë, ndërsa e ka cilësuar ngjarjen një akt banditeskt.
Duke dënuar shoqërimin e Çupit, Berisha paralajmëron kryeministrin Edi Rama dhe ministrin e Brendshëm, Sandër Lleshaj, se do të jenë përgjegjës personalisht për të marrë ndëshkimin e merituar.
“Gangstere me uniforme te narkopolicise rrembejne ish deputeten Dhurata Çupi! Te dashur miq, sot ne nje akt banditesk ndaj akteve ligjore kushtetuese te kryengritesve te Burrelit, gangstere narkopolice me maska dhe me uniforme kane rrembyer ne mes te rruges ish deputeten Dhurata Çupi dhe kryetaren e FRPD te rrethit te Matit, Denisa Vata dhe i kane derguar ne rajonin e policise.
Rrethimi i komisaritatit nga kryengritesit e zemeruar nga ky akt i denueshem antiligjor ka detyruar banden me uniforme dhe maska te liroje pengjet. Duke denuar me ashpersine me te madhe aktin kriminal te maskave te narkopolicise i them Edvin Kristaq Krimit dhe gjeneral Kanabisit se per kete akt do jeni pergjegjes personalisht per te marre ndeshkimin e merituar! Sb”, shkruan Berisha.
