Mbetet për t’u përcaktuar vetëm koha, por e sigurt është që Gareth Bale do të largohet nga Real Madrid. Futbollisti uellsian e ka vendosur se karriera e tij duhet të vazhdojë diku tjetër duke nisur nga janari, ose në fund të këtij sezoni. Ai e kishte kuptuar prej kohësh që kishte zbritur ndjeshën në piramidën e hierarkisë së skuadrës, ndërsa është bindur përfundimisht pasi Zinedine Zidane vendosi ta lerë në tribunë për ndeshjen e fundit në Champions League kundër Club Brugge.

Lajmi bëhet I ditur nga e përditëshmja “Marca”. Gazeta shumë pranë klubit madrilen dhe e mirë informuar për gjithçka që ndodh në ekipin “los blankos” rradhit arsyet që përshpejtojnë largimin e Bale. Si fillim, futbollisti nuk ndjehet i vlerësuar, madje shprehet se po trajtohet shumë keq nga Zidane. Për këtë arsye, raporti mes lojtarit dhe teknikut është e ngrirë prej kohësh, aq sa sipas gazetës “Marca” nuk ka më komunikim.

Ashtu si në merkaton e verës, Real Madrid do të kërkojë një blerës për kartonin e Gareth Bale që në sesionin e dimrit në tregun e transferimit. Por jo gjithçka është në dorë të klubit spanjoll, pasi futbollisti ka pretendimet e tij dhe mund të shfrytëzojë faktin se në verë hynë në vitin e kontratës dhe mund të kërcënojë të largohet me parametra zero.
(balkanweb)