SARANDE

Një person është gjetur i pajete në një kanal me ujë në Sarandë. Ngjarja ka ndodhur rreth orës 09:38, në vendin e quajtur “Kthesa e Valohovës” Bistricë.

Burime zyrtare nga policia thane se viktima është rreth moshës 45 vjeç, banues në Berat, i cili nga këqyrja paraprake nuk ka shenja dhune apo dëmtime të tjera në trup. Po ashtu dyshohet se ka rënë aksidentalisht në kanalin me ujë si pasojë e arrestit kardiak.
Sakaq, po punohet për identifikimin e plotë të tij.

Në vendngjarje ndodhet grupi hetimor i cili po kryen veprimet e mëtejshme për sqarimin e rrethanave.
(ed.me/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb