Aksidenti i rëndë i Jeremy Renner është përfolur më shumë se çdo tjetër këto ditë. 52-vjeçari u përplas nga një borëpastruese shtatë tonëshe në ditën e Vitit të Ri teksa u përpoq të çlironte një anëtar të familjes të bllokuar nga bora që mbulonte fermën e tij në Liqenin Tahoe.
Ylli i Marvel ka qëndruar në Njësinë e Kujdesit Intensiv të spitalit që nga 1 janari.
Siç thuhet, Renner pësoi lëndime të rënda dhe iu nënshtrua një operacioni dhe mbetet ende në spital, ku që atëherë ka ndarë disa selfie dhe video.
Aktori mbetet i shtruar në spital disa javë pas incidentit të frikshëm jashtë shtëpisë së tij në Reno, Kaliforni.
Një burim i afërt me “Hawkeye” tha për Radar Online se gjendja e tij është më e keqe se sa është zbuluar publikisht.
“Është shumë më keq nga sa mendoni. Jeremy e di mirë faktin se ai pothuajse vdiq atje. Çështja është se dëmtimi i gjoksit të tij ishte aq i rëndë sa duhej të riparohej me operacion”.
I njëjti burim më pas ndau informacione rreth operacioneve që i është nënshtruar aktorit, duke thënë:
“Deri më tani, ai ka pasur dy operacione dhe ka të ngjarë të ketë nevojë për më shumë në javët e ardhshme në këmbën e tij. Mjekët priren t’i lënë hapësirë kirurgjisë për të lënë kohë për të filluar procesin e shërimit natyror të trupit dhe kjo është ajo që po ndodh këtu.”
I nominuari për Oscar, Renner, ndër të tjera pati “vështirësi të jashtëzakonshme” në frymëmarrje, ndërkohë që i rridhte shumë gjak nga koka.
Në një postim të shkurtër në Instagram, ku ndau një selfie nga brenda spitalit, Renner shkroi: “Faleminderit të gjithëve për fjalët tuaja të mira. Unë jam shumë keq tani për të shkruar. Por unë ju dërgoj dashuri të gjithëve.”
(BalkanWeb)
