Ndërsa blloku konservator i Gjermanisë kërkon të zgjedhë një nga dy kandidatët për të drejtuar zyrën e kancelarit, një sondazh i ri lë Armin Laschet të CDU-së së Angela Merkel shumë prapa partisë binjake bavareze të Markus Soederit, CSU.
Laschet, i kristian-demokratëve të Merkel (CDU) dhe Soeder, i Unionit Social-kristian (CSU), janë kolegë në bllokun CDU/CSU, por gjithashtu rivalë për mundësinë për t’u bërë kancelar.
Aktualisht, 44% e gjermanëve dhe 72% e mbështetësve të bllokut konservator e konsiderojnë Soederin si kandidatin më të përshtatshëm për të udhëhequr të dy partitë në zgjedhjet e shtatorit, sipas një sondazhi për transmetuesin gjerman ARD.
Vetëm 15% e gjermanëve dhe 17% e mbështetësve të CDU/CSU e konsiderojnë Laschet kandidatin më të përshtatshëm.
Të dy janë udhëheqës landesh, Soeder për Bavarinë dhe Laschet për North Rhine-Westphalia dhe figura politike me peshë të rëndë.
Merkel do të japë dorëheqjen pas më shumë se 15 vitesh si kancelare. //ATSH
