Një politikan i shtetit dhe policia federale thanë se dy persona janë vrarë nga një sulm me thikë në një tren në Gjermani, bën të ditur Report nëpërmjet DW.

Sulmi ndodhi në shtetin verior të Schleswig-Holstein që kufizohet me Danimarkën.

Ministrja e Brendshme e shtetit Schleswig-Holstein, Sabine Sütterlin-Waack i tha agjencisë gjermane të lajmeve dpa se dy persona ishin vrarë dhe shtatë ishin plagosur në sulm.

Policia tha se sulmi ndodhi teksa treni po i afrohej stacionit Brokstedt, një komunitet i vogël me rreth 2000 njerëz në veri të Hamburgut dhe në jug të Kielit. Një i dyshuar u arrestua kur treni arriti në stacionin Brokstedt.

Sulmuesi gjithashtu u plagos dhe u dërgua në spital, tha policia.