Vendimi i presidentit amerikan, Donald Trump, për të mbyllur kufijtë e SHBA-së për udhëtarët nga Europa, pa u këshilluar me liderët e kontinentit, nuk ishte e menduar mirë, tha sot ministri i Jashtëm gjerman Heiko Maas.

“Referenca në njoftim e idesë se në Europë ka patur dështime tregon se, ndoshta, në marrjen e këtij vendimi kanë luajtur rol arsye jo shumë objektive”, deklaroi Maas.

Ministri theksoi, gjithashtu, se koronavirusi i ri paraqet një sfidë globale, që kërkon bashkëpunim ndërkombëtar dhe kjo nuk mund të arrihet nëse vendimet merren duke bërë fajësime.//ATSH