Humbja kundër Teutës ishte një blof, pavarësisht forcës dhe peshës së kundërshtarit, një humbje që nuk është pritur mirë nga stafi drejtues i Kukësit. Shpëtim Duro shpresonte që minimalisht të dilte me një pikë nga “Niko Dovana”, në mënyrë që të ruante vazhdimësinë dhe të shkëputej nga dy klubet e kryeqytetit, Tirana dhe Partizani, të cilat konsiderohen si rivalët më të mëdhenj në garën për titull.
Safet Gjici ka qëndruar në heshtje këtë periudhë, nuk ka marrë rolin e protagonist në klub dhe në media duke lënë të qetë ekipin dhe stafin por situata është e tillë ku ndërhyrja e presidentit është bërë e pashmangshme. Gjici rikthehet në “skenë” duke i vendosur një ultimatum ekipit: 9 pikë në 3 ndeshjet e ardhshme, në të kundërt priten masa. Gjici, pavarësisht se duket i tërhequr nga ekipi në këtë fillim sezoni, kjo për shkak dhe angazhimit të tij primar si kryetar i Bashkisë Kukës, nuk harron në asnjë moment të përcjell idetë dhe objektivat në skuadër. Kushti i fundit, 3 fitore në 3 duke i pashmangshëm në mënyrë që ekipi të rikthehet në majat e klasifikimit dhe të përfitoj nga përplasja e rivalëve.
Ky objektivit i numrit një të klubit verilindorë është logjik duke parë dhe kalendarin teksa Kukësit pret fillimisht Vllazninë, më pas luan në transfertë kundër Skënderbeut dhe pret në fund Luftëtarin, 3 ndeshje dhe 3 rivalë të kalueshëm në letër.
(BalkanWeb)