Meta, kompania që zotëron Facebook, Instagram dhe WhatsApp, ka njoftuar se do të shkurtojë 10 mijë vende pune.

Kjo do të jetë seria e dytë e shkurtimeve masive, ku në nëntor të vitit të kaluar pushoi 11 mijë punonjës.

Shefi ekzekutiv, Mark Zukenberg tha se “situata është  e vështirë” dhe se ishin pjesë e një viti të efikasitetit. Përveç humbjes së 10,000 vendeve të punës, 5,000 role të hapura në kompani do të mbeten të paplotësuara.

Meta njoftoi më parë se, në tre muajt deri në dhjetor 2022, të ardhurat u ulën me 4% nga viti në vit – megjithëse ende arriti të bënte një fitim prej më shumë se 23 miliardë dollarë gjatë rrjedhës së 2022.

Po ashtu ai përmendi faktin se normat e larta të interesit në SHBA dhe paqëndrueshmëritë gjeopolitike kanë ndikuar në këtë vendim.

Shkurtimet vijnë pasi kompanitë përfshirë Google dhe Amazon janë përballur me mënyrën se si të balancojnë masat e uljes së kostove me nevojën për të mbetur konkurrues.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb