Dy turistë gjermane janë shpëtuar mbrëmjen e së enjtes nga policia, pasi kishin humbur rrugën në mal. Sic njofton policia e Gjirokastrës, 2 turistët gjermanë, kishin humbur orientimin e rrugës gjatë eksplorimit në mal, në fshatin Labovë e Madhe, Odrie, për shkak të terrenit të vështirë dhe errësirës.

“Shërbimet e Seksionit të Forcës së Posaçme “Shqiponja”, pas njoftimit të marrë  rreth orës 21:00, nga dy turistë  gjermanë të cilët kërkonin ndihmë pasi  kishin humbur orientimin e rrugës gjatë eksplorimit në fshatit Labovë e Madhe dhe si pasojë kishin mbetur të izoluar në terrenin e vështirë të malit, kanë shkuar në zonë, për t’ju ofruar ndihmë.

Turistët janë lokalizuar dhe janë transportuar nga shërbimet e Policisë, në automjetin e tyre, në fshatin Labovë e Madhe, në gjendje të mirë shëndetësore”, thotë policia.

(Balkan Web)