TIRANË
Vazhdon ende protesta masive e qytetarëve në Tiranë, për vrasjen e 25-vjeçarit Klodian Rasha.
Gazetari Erjon Skëndaj raporton për “Balkanweb” se protesta tashmë është përqendruar tek Drejtoria e Policisë në kryeqytet.
Mirëpo, duket se policia ka qenë e vendosur për të mos lejuar protestuesit pranë Drejtorisë së Përgjithshme. Prandaj dhe ka vepruar, duke hedhur gaz lotsjellës dhe ujë me presion.
Hedhja e gazit lotsjellës ka bërë që vendi përreth të marrë ngjyrën e bardhë. Të rinjtë për pasojë janë larguar e kanë qëndruar më në periferi të Drejtorisë së Policisë.
Edhe qytetarët që kalojnë pranë rrugës “Myslym Shyri”, ku ndodhet Drejtoria e Policisë Tiranë, kanë vështirësi në frymëmarrje.
(d.xh/ balkanweb)