Alesia ndihet djalë që kur ishte vetëm 10 vjeç dhe tashmë që ka mbushur 17 mund të kompletojë procesin që do ta shndërrojë në një mashkull. Kjo është hera e parë në Itali që një gjykatë i jep të drejtë një minoreni për t’ju nënshtruar një operacioni për ndryshimin e gjinisë. Gjykata e Genovës pranoi kërkesën e prindërve të 17- vjeçares, me argumentin e ruajtjes se shëndetit mendor të minorenes.

Në mbështetje të kërkesës së prindërve ishin edhe një psikologe dhe endokrinologu që e kanë ndjekur Alesian prej moshës 14 vjeçare. Nëna e 17-vjeçares rrëfen se e kishte kuptuar që kur ajo ishte fëmijë, se nuk ndihej rehat në trupin e saj prej femre.

“Ditën kur i erdhën menstruacionet, jeta e fëmijës tim ndryshoi. Ishte e qartë që nuk e donte diçka të tillë. E vështroja, përpiqej gjithmonë të fshihte gjoksin. Një ditë i thashë nëse donte të shkonim tek një psikolog. I thashë se ne do të na kishte pranë gjithmonë. Pak dite pas kësaj folëm hapur dhe me tha se ndihej si një djalë dhe ishte në trupin e gabuar. uU përqafuam dhe që prej asaj dite nisëm përpjekjet për t’ia ndryshuar jetën”, tha e ëma.

Pas vendimit të Gjykatës se Genovas, Alesia mund t’i nënshtrohet ndërhyrjes kirurgjikale për ndërrimin e gjinisë, pavarësisht se është e mitur dhe deri tani në Itali konsiderohej një ndërhyrje e jashtëligjshme.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb