DURRËS
Një 37-vjeçar u arrestua në Durrës pasi goditi për vdekje një person. Ngjarja ka ndodhur më 23 maj në Plazhin e Durrësit ku M.A, për motive të dobëta goditi Z.K, i cili u rrëzua në tokë dhe pësoi dëme.
Ai ndërroi jetë më 27 maj në Spitalin e Traumës në Tiranë.
Ndërkohë Policia bën me dije familjarët e personit të dëmtuar nuk kanë pasur asnjë pretendim, por grupi hetimor vijoi hetimet dhe mund të zbardhë ngjarjen duke arrestuar edhe dje autorin.
NJOFTIMI NGA POLICIA
Durrës
Specialistët për Krimet në Komisariatin e Policisë Durrës pas një pune hetimore disa ditore kanë bërë të mundur identifikimin dhe arrestimin e shtetasit M.A., 37 vjeç, i cili dyshohet se ka goditur një shtetas, ku për pasojë ka ndërruar jetë.
Konkretisht, më datë 23.05.2021, në lagjen Nr.13, Plazh, Durrës dyshohet se për motive të dobëta ka goditur shtetasin Z.K.,53 vjeç, banues në Durrës, i cili është rrëzuar në tokë duke i shkaktuar dëmtime, ku pas mjekimit të marrë në Spitalin Rajonal Durrës është transferuar për mjekim të specializuar në Spitalin e Traumës Tiranë ku më datë 27.05.2021 ka ndërruar jetë.
Policia e Durrësit menjëherë sapo ka marrë dijeni për ngjarjen, ka kryer të gjitha veprimet procedurale sipas dispozitave ligjore, duke pyetur edhe familjarët e personit të dëmtuar, të cilët nuk kanë pasur asnjë pretendim.
Grupi hetimor vijoi hetime më të thelluara duke bërë të mundur zbardhjen e plotë të ngjarjes dhe arrestimin ditën e djeshme të autorit të dyshuar.
Materialet i kaluan Prokurorisë së Rrethit Gjyqësor Durrës për veprime të mëtejshme.
(BalkanWeb)
