Ministri i Jashtëm i Ukrainës, Dmytro Kuleba, i ka bërë thirrje Perëndimit të vendosë sanksione më të ashpra kundër rrethit të brendshëm të Vladimir Putinit, në mënyrë që të ndalë këtë të fundit.
Dje SHBA, Britania e Madhe dhe vende të tjera njoftuan masa kundër individëve dhe bankave ruse, por Dmytro Kuleba iu bën thirrje këtyre vendeve që të shkojnë më tej me sanksione.
“Hapat e parë vendimtarë u ndërmorën dje dhe ne jemi mirënjohës për ta”, shkruan Kuleba në Twitter.
“Tani presioni duhet të rritet për të ndaluar Putinin. Goditi ekonominë e tij dhe miqtë e tij. Goditi më shumë. Goditi fort. Goditi tani.”
To stop Putin from further aggression, we call on partners to impose more sanctions on Russia now. First decisive steps were taken yesterday, and we are grateful for them. Now the pressure needs to step up to stop Putin. Hit his economy and cronies. Hit more. Hit hard. Hit now.
— Dmytro Kuleba (@DmytroKuleba) February 23, 2022
