Gratë greviste të Uzinës së Ballshit ndodhen sot në ditën e dytë të grevës së urisë. Pranë mjediseve të grevës sapo kanë mbërritur mjekët e spitalit të Mallakastrës.

Gratë në pjesën më të madhe kanë tension të lartë, por thonë se medikamentet do t’i marrin në mjediset e grevës.

Gjatë natës kanë qëndruar 10 gra, ndërsa ditën në mbështetje shkojnë edhe koleget e tyre. Jashtë mjediseve të grevës ka punonjës të Uzinës të cilat janë në mbështetje të grevistëve.

Gjatë natës është ndezur edhe një zjarr jashtë, ndërsa naftëtarët kanë qëndruar deri vonë.

(BalkanWeb)