“Kam simptomat”, aktivistja Greta Thunberg mund të jetë infektuar me koronavirus: Dy javë e izoluar
24 Mars, 2020 19:50
Madhësia e tekstit:
SUEDI
Greta Thunberg mund të jetë infektuar nga koronavirusi. Lajmin e ka dhënë vetë aktivistja me anë të një postim në Instagram. 16-vjecarja tha se ka qenë në një tur në Evropë me të atin, përpara se të merreshin masa shtrënguese nga shumë shtete.
“Dhjetë ditë më parë kisha disa simptoma dhe të njëjtën kishte babai im i cili udhëtoi me mua në Bruksel. Ndihesha e lodhur, kisha ethe, dhembje fyti dhe tështima. Edhe babai im kishte të njëjtat simptoma por më rënda se unë madje ai kishte dhe temperaturë të lartë. Në Suedi nuk mund të bësh testin e COVID-19nëse nuk ked nevojë për kura mjekësore në spital. Të gjithë së sëmurëve u thuhet të vetëizolohen në shtëpi” –shkruan aktivistja suedeze.
‘Por edhe pse nuk e kam bërë testin ka shumë mundësi që të jem prekur duke pasur parasysh simptomat dhe rrethanat. Unë kam dy javë që qëndroj e mbyllur në shtëpi. Virusi është shumë i rrezikshëm. Të rinjve nuk ju duket më shumë se një grip normal dhe nuk dyshojnë se mund të jenë infektuar. Ata nuk dyshojnë se e kanë dhe në këtë mënyrë infektojnë personat më të brishtë. kështu që u bëj thirrje të gjithë moshatarëve të mi të qëndrojnë të vetëizoluar në shtëpi për të mos përhapur koronavirusin”- përfundon Greta.