TIRANË

Ish-deputetja demokrate Grida Duma ka reaguar në lidhje me shifrat e publikuara sot nga kryeministri Edi Rama dhe Ministria e Shëndetësisë për koronavirusin.

Në një postim në “Facebook” Duma shkruan se shifrat e publikuara nga Rama janë falsifikim dhe nuk është ngatërresë por strategji malinje.

Sipas saj duhet me forcë t’i vendosim në rolin e vet dinjitoz ekspertët dhe specialistët që ta drejtojnë situatën.

POSTIMI I PLOTË
Grafiku dhe shifrat e publikuara nga Rama janë falsifikim, manipulim i shifrave të deklaruara nga vetë Ministria e tij.
Kjo nuk është aspak papërgjegjshmëri as ngatërresë shifrash, është strategji malinje që tani nuk habit më askënd.
Qëkur shteti drejtohet nga facebook-u dhe shifrat e pandemisë publikohen si të ishin sondazhe opinioni, fshehja dhe manipulimi i realitetit do jetë pasoja më e vogël.
Që të marrë fund loja me jetën e njerëzve duhet ne forcë të bëjmë transparencë!
Duhet me forcë dhe domosdoshmëri t’i vendosim në rolin e vet dinjitoz ekspertët dhe specialistët që ta drejtojnë situatën pa presionin e frikën se po thonë të vërtetën.