Jim Carrey zbuloi detaje nga përbindëshi i gjelbër që luajti për filmin “The Grinch” në vitin 2000. Siç theksoi aktori hollivudian, ai kishte nevojë për trajnime nga CIA për t’i bërë ballë “torturave” dhe “transformimit” në Grinch. Aktori konsiderohet si një nga yjet më të kërkuar të filmit dhe veçanërisht fytyra e tij ishte në fokus të produksioneve filmike në vitet 1990. Carey shkëlqeu, kryesisht në komedi, pasi shquhej për humorin, gjestet qesharake dhe mimikën.
Përsa i përket filmit popullor dhe rolit të kësaj krijese të gjelbër, që urrente Krishtlindjet, aktorit iu desh të kalonte shumë orë në përgatitjen e grimit dhe kjo ishte shumë për të.
“Grimi zgjati mbi 8 orë. Më dukej sikur po varrosesha të gjallë. Ditën e parë u ktheva dhe i thashë regjisorit Ron Howard se nuk mund ta bëja filmin ”, duke theksuar se ai ndihej klaustrofobik me kostumet, grimin dhe protezat. Madje drejtori e kuptoi se gjithçka mund të shembej për të, pasi Carey po përballej me një problem serioz. “Duhej të ruanim make-up-in dhe duhej të mbanim Xhimin. Për të gjetur një mënyrë për t’i dhënë atij aftësinë për të duruar diçka që ishte si torturë”, shpjegoi producenti.
Ideja, për ta bërë atë të përballonte kushtet e pafavorshme – për të – ishte të sillte dikë të veçantë nga CIA, për ta trajnuar dhe për ta bërë të kapërcejë fobitë e tij. “Ndoshta një specialist i CIA-s mund t’i mësojë Jim Carrey-t se si të merret me torturën e grimit të gjelbër të Grinch-it, në të njëjtën mënyrë që ai do t’i mësojë spiunët se si t’i mbijetojnë një marrje në pyetje armiqësore,” zbuloi producenti.
Nga ana tjetër, Jim Carrey theksoi: Kështu ata sollën një djalë që po trajnonte agjentë të CIA-s për t’i bërë ballë torturave. Me ndihmën e tij arrita të kapërcej frikën time.
Ai dhe agjenti i CIA-s u mbyllën në një dhomë dhe ai e mësoi se si të kontrollonte mendimet e tij, të shmangte dhimbjen dhe vuajtjet. Gjithashtu, aktori ka përmendur se këngët e Bee Gees e nxorën nga kjo gjendje: “ Nuk e di pse, por Bee Gees më bën të lumtur”, tha aktori me famë ndërkombëtare.
