Ndonëse shumëkush mendon se ngjarja e mbrëmshme në ceremoninë e Oscars ishte një lojë e mirë inskenuar dhe joshje për sa më shumë shikues, përdoruesit e rrjeteve sociale vunë re një detaj që, siç pretendojnë ata, tregon se çfarë fshihet pas atij reagimi.

Në internet po qarkullon një video, ku fokusohet fytyra e Jada Pinkett Smith dhe reagimet e saj gjatë batutave të pahijshme për të, por edhe momentin pak para shuplakës.

Gjegjësisht, në xhirim shihet se edhe Will Smith fillimisht iu bashkua atyre që qeshën në kurriz të gruas së tij. Jada më pas rrotulloi sytë dhe situata u kthye papritur kur ajo drejtoi shikimin kah bashkëshorti i saj.

Në vijim pasoi reagim i aktorit, i cili u ngjit në skenë për ta goditur me shuplakë kolegun Chris Rock që bënte shaka në kurriz të bashkëshortes së tij dhe pastaj i bërtiste nga vendi që të mos ia përmendte emrin.

Not being able to contain your anger can make you throw away everything you have a worked for in a moment of blind stupidity.

Instead of the public talking about @chrisrock's bad joke, they are talking about Will Smith's moment of madness, his violent act in front of millions. pic.twitter.com/6bOH2deJ0C

— Hopewell Chin’ono (@daddyhope) March 28, 2022

Përdorues të shumtë të Twitterit konsiderojnë se shikimi i saj ishte “momenti kyç” i përshkallëzimit të situatës, ku theksohet se Smith nuk e goditi Rockun për shakatë, por për zhgënjimin që kishte krijuar gruaja e tij.

Ndryshe, Jada qe disa vite lufton alopecinë, një gjendje autoimune që shkakton rënien e flokëve.