Një rafineri nafte në Ukrainë, në qytetin Kremenchuk në qendër të vendit, është shkatërruar plotësisht nga një sulm rus. Kështu ka bërë të ditur për mediat, guvernatori i rajonit të Poltava, raporton agjencia e lajmeve Reuters.

“Zjarri në rafineri është shuar, por objekti është shkatërruar plotësisht dhe nuk mund të funksionojë më”, mësohet të jetë shprehur Dmytro Lunin. Gazeta Kyiv Independent shkroi në Twitter se një sulm me raketa më 1 prill shkatërroi rafinerinë e naftës, që cilësohet si më e madhja në Ukrainë.

Kremenchuk është një vend kryesor industrial në Ukrainën qendrore.

(BalkanWeb)