GREQI- Ndonëse ende nuk ka një version zyrtar për shkaqet e zjarrit në periferi të Athinës, ku deri më tani numri i viktimave ka shkuar në 80 dhe qindra të tjerë dyshohet se janë të zhdukur, kreu i Kishës Metropolitane të Aegialia, ka habitur me deklaratën e tij dhe po ngjall mjaft polemika në Greqi.
Përmes një postimi në blogun e tij personal, Prifti Amvrosiou ka shkruar se zjarri erdhi si pasojë e zemërimit të Zotit ndaj kryeministrit Aleksis Tsipras dhe stafit të tij ateist.
“Kryeministri dhe i gjithë stafi i tij ateist, ka ngjallur zemërimin e Zotit. Për shkakun tuaj Greqia po shkatërrohet”- ka shkruar Prifti grek duke e quajtur Tsipras një hipokrit.
Por në një reagim të Kryepeshkopatës së Athinës thuhet se prifti ka shprehur qëndrimin e tij personal dhe jo të Kishës.
(d.d/BalkanWeb)
