SHBA dhe Meksika kanë propozuar vendosjen e një force shumëkombëshe në Haiti për të ndihmuar në ndryshimin e situatës së krijuar nga bandat në portin e vendit të cilët kanë bllokuar shpërndarjen e karburantit, ujit dhe mallrave të tjera bazë.

Duke paraqitur një rezolutë në një sesion të posaçëm të Këshillit të Sigurimit të OKB-së të hënën, e dërguara e SHBA-së në OKB, Linda Thomas-Greenfield, bëri thirrje për “një mision të kufizuar me kujdes jashtë OKB-së, të udhëhequr nga një vend partner me përvojën e thellë dhe të nevojshme”

Seanca e këshillit u çua nga e premtja, për shkak të kushteve të rënda, me portin kryesor dhe terminalin e karburanteve të bllokuar nga bandat, urinë e përhapur dhe shpërthimin e kolerës. Ndërsa seanca u mblodh, pati demonstrata në të gjithë Haitin , duke kërkuar dorëheqjen e kryeministrit, Ariel Henry.

(BalkanWeb)