SHKODËR

Gjatë takimit me biznese duke iu bërë thirrje për të marrë pjesë në protestën e 16 marsit deputeti i PD, Flamur Noka, deklaroi se me 16 mars do jetë fundi i qeverisë dhe se me 17 për Shqipërinë do të nisë një histori e re.

Për kryeprokuroren, Arta Marku, e cila tha se politika gjykon çdo çështje të prokurorisë deklaroi se kryeprokurorja është politike PPP në shërbim te Edi Ramës dhe qeverisë.

Lidhur me pranimin e mandateve te deputeteve te PD si Lefter Maliqi Noka u shpreh se Edi Rama ashtu si ka blere votat ashtu po blen edhe mandatet. Ish-deputeti i PD-së duke komentuar “mosbindjen”  e Rudina Hajdarit për të dorëzuar mandatin,  deklaroi se ajo ka folur vetë dhe se te rreshtohesh përkrah Edi Ramës është gjeja e gabuar.

Sipas Nokës, po të ishte Azem Hajdari gjallë s’do ta kishte bërë një gjë të tillë. Për ministrin Lleshaj i cili ka deklaruar se gazi lotsjellës është blerë që në kohën e Berishës, Noka u shpreh se Lleshaj duhet te flasë me mendjen e tij dhe jo t’ia marre paswordin e trurit kryeministrit.

“Kam ardhur për t’iu bërë thirrje për protestën me 16.  Të gjithë në Tiranë për të rrëzuar këtë bandë kriminale. Taksat besoj ua ka rritur. Xhiro biznesi nuk ka”, tha Flamur Noka.

(n.m/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb