Një djalë 12-vjeçar ia ka dalë më së miri të shpëtojë gjyshen e tij, nga një tentativë vjedhje.
Ngjarja ndodhi në shtëpinë e 73-vjeçares nga Karolina e Veriut, Linda Ellis. Ajo ishte duke qëndruar në shtëpi me të nipin, kur dy hajdutë u futën me forcë.
Ata i kërkuan të moshuarës para dhe e dhunuan, por në këtë moment, vogëlushi qëlloi me armë në drejtim të tyre dhe hajdutët u larguan me shpejtësi.
Njëri prej grabitësve, një 19-vjeçar me emrin Khalil Herring, u arrestua pranë shtëpisë së Ellis, pasi kishte marrë plagë në trup.
Më vonë, ai ndërroi jetë në spital nga plagët e marra, ndërsa gjyshja është jashtë rrezikut për jetën.
Polica tha se nuk pritet që ndaj të miturit të ngrihen akuza, ndërsa nuk dha informacione mbi hajdutin tjetër të përfshirë në ngjarje.