Kreu i Partisë Demokratike Sali Berisha ka reaguar pas publikimit të të dhënave të kryeministrit Edi Rama nga hakerat.

Me anë të një postimi në Facebook, Berisha e quajti super abuzim faktin që 127 udhëtimet me avion charter të Ramës kushtuan 19 milion euro.

Kreu i PD i bëri thirrje shqiptarëve të ngrihen për largimin sa më shpejt të kësaj qeverie.

Postimi i plotë:
Super abuzim!
19 milion euro kushtuan 127 udhëtimet me avion taksi të Edi Ramës!
Të dashur miq, neobllokmeni Edi Rama ka krye si kryeministër 127 udhëtime me Charter apo avion taksi për menderen e tij.
Çdo udhëtim me Charter kushton mesatarisht apo më së paku 150 mijë euro kurse ato të largëtat kushtojnë me gjithë parkingun rreth 250 mijë euro.
Por të llogaritura me çmimin 150 mijë euro fluturimi, Edi Rama ka shpenzuar vetëm avion taksi 19050000 Euro. Pra kryeministri i vendit më të varfër të Europës shpenzon për udhëtime me avion në dispozicion dhjetëra e dhjetëra herë më shumë se sa kryeministri i Austrisë, një vend dhjetëra herë më i pasur se Shqipëria.
Ky është një krim publik tejet i rëndë, është banditizëm qeveritar i përmasave gjigante. Në këmbë shqiptarë ta kërrejmë sa më parë!
Këtu më poshtë keni datat dhe destinacionet e të gjitha udhëtimeve me Charter të Edi Ramës nga shtatori i vitit 2013 gjer sot!

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: