Në shtëpinë e Tiranës është koha për të bërë llogari, jo të gjithë janë të lumtur pas kësaj merktatoje dimri me hyrje dalje të shumta. E sigurt është se nga kjo histori vetëm presidenti Halili buzëqesh, në arkat e klubit vetëm gjatë janarit erdhën 700 mijë euro.
Shitja e Xhixhës te Karabak prej 550 mijë euro ishte një goditje e vërtetë, por kësaj shume në orët e fundit iu shtuan edhe 150 mijë euro të tjera nga shitja e kapitenit Marsel Ismajlgeci te “Zrinjski Mostar.
Pikërisht shitja e Gecit nuk është pritur mirë nga Shehi dhe stafi i tij, ishin kundër këtij largimi, të paktën jo gjatë merkatos së janarit.
Largimi i kapitenit është shqetësimi i radhës për Shehin, i cili këtë periudhë duhet të bëjë llogaritë edhe pa Kristal Abazaj. Transferimi më i bujshëm në këtë merkato dimri pësoi një dëmtim të rëndë, një çarje të meniskut që e detyron të qëndrojë jashtë fushave të lojës për të paktën 1 muaj. Brenda pak kohësh, Shehi ka qenë i detyruar të ndryshojë strategji dhe skemë, i kushtëzuar nga largimet dhe dëmtimet.
(BalkanWeb)