NGA ZONJA VJOLLCA*
450 gr patate
1 kokërr vezë
7-8 lugë gjelle miell
170 gr proshutë të tymosur
200 gr krem djathi
Kripë
Fillimisht grijmë patatet në rende. Më pas patatet i trazojmë me vezë, kripë dhe miell. E trazojmë masën mirë derisa të krijohet një brumë i butë por jo i lëngshëm. Me këtë masë brumi përgatisim “halusky” duke vendosur brumin në një kullesë me vrima sa më të mëdha. E tundim kullesën lart e poshtë në mënyrë që brumi të mund të dalë në forma të njëtrajtshme nga vrimat e kullesës. Në një tenxhere me ujë të vluar me kripë hedhim halusky-t e përgatitur. Sapo ato të ngjiten në sipërfaqe i largojmë duke i trazuar më pas me kremin e djathit. E servirim këtë gatim tradicional me proshutë të tymosur krokante.
(m.k/BalkanWeb)