Detaje të reja kanë dalë në dritë nga operacioni i SPAK dhe i Policisë, i koduar “Golden Bullet”.
Ndër dëshmitë e siguruara në dosjen hetimore, bie në sy edhe Skerdi Tasit, të riut që i bëri atentat pronarit të një shkolle private të quajtur, L.M.
Taski ka treguar me detaje se çfarë ka bërë ditët që po organizonte të kryente krimin.
“Në muajin Janar kisha ardhur disa ditë në Tiranë dhe kam qëndruar në banesën e vëllait, Nikolin Tasi në lagjen “Ali Demi”. Kam qëndruar edhe në shtëpinë e Arjan Hoxhës nga Tepelena që banon në “Astir”. Më 18 janar, rreth orës 07:30-08:00, kam dalë nga banesa e vëllait në lagjen “Ali Demi” dhe kam ecur në këmbë i vetëm në drejtim tek Parku i Liqenit Artificial.
Më kujtohet se aty ndodhet një pallat si i lyet me të kuqe, që e njoh si pallati me perde. Kam marrë rrugën e shtruar që vjen rreth liqenit duke ikur në drejtim për nga teatri veror, kam vazhduar rrugën ku del tek një fushë volejbolli që ka disa bar kafe. Kam qëndruar për rreth një orë dhe kam parë që një mjet ML me targa Tirane, për të cilin mendova se ishte personi që kisha pasur debat.
Në momentin që pashë automjetin kam nxjerrë një armë zjarri tip automatik dhe kam qëlluar mbi makinën. Në atë moment pashë se personi në makinë nuk ishte ai që prisja kam ndaluar së shkrepuri armën dhe jam larguar me vrap”, ka deklaruar Tasi për vrasjen.
Ndërkohë Dumani, ka thënë në dëshminë e ilustruar në dosjen hetimore se vrasjen e kishte porositur Suel Çela, për një mikun e tij. Për eliminimin e pronarit të shkollës Wilson, ai i ka kërkuar Çelës 200 mijë euro, por që në fund, është rëndë dakord për 150 mijë euro.
Atentati ndaj tij dështoi dhe për këtë, Dumani thotë se i ka kërkuar falje mikut të Çelës, i cili i kishte dhënë një kapar prej 10 mijë eurosh.
Edhe pse vrasja nuk u finalizua, Dumani thotë se këtë shifër nuk e kthyen më mbrapsht.
“Gjatë komunikimit që kam pasur me Suel Çelën në Matrix më dha një kontakt të një mikut të vet, që ishte i interesuar për eliminimin e pronarit të shkollës Wilson. Më dha kontaktin e këtij personi dhe me këtë person fola disa ditë dhe më kërkoi eliminimin e pronarit të shkollës Wilson për shumën 150.000 Euro. Më kishte dërguar disa foto, garazhin e banesës (i cili ishte me hyrje dhe dalje të ndryshme), në zonën e Bllokut, foton e personit që kishte shkollën, foto ku ishte së bashku me gruan dhe djalin e tij në një restorant. Unë fillimisht që të kryeja këtë punë i kërkova 200.000 Euro. Ai më ofroi shumën prej 150.000 Euro. Këtë person nuk e kam parë asnjëherë dhe nuk e njoh dot. Në telefon regjistrova vetëm numrin e kontaktit të tij. Për këtë vrasje unë kontaktova Henrik Hoxhaj (Rikun) dhe shokun e Rikut që thirrej nipçja dhe për të cilin kam dhënë shpjegime edhe më parë. I thashë Rikut që do ti jepja 100.000 Euro që të kryente këtë punë. Me Rikun kontaktova në telefon me aplikacionin “Matrix”.
Rikun në Matrix e kam regjistruar kusho.
Riku pranoi dhe unë i dhashë atij fotografinë e personit si dhe të ambienteve që mi kishte dërguar i interesuari për të realizuar vrasjen. Henriku më ka treguar se pronari i shkollës Ëilson e pinte kafen zakonisht te lokali përballë garazhit. Gjithashtu, Riku më ka thënë se ndjekjen e pronarit të shkollës Ëilson e ka bërë edhe …………. që ka lokalin në …….., duke informuar Henrikun për lëvizjet e tij pasi banesa e tij ishte afër me lokalin e ………… Riku ka ardhur në Kosovë me një makinë Wolksvagen Passat ose Pheiton dhe në bisedë me të i thashë për objektin që duhej të vriste si dhe i dhashë një armë skorpions 7.65 mm të cilën e mbaja vetë. Mbaj mend që Riku ka ardhur edhe një herë tjetër dhe më ka takuar në Kosovë ku ishte së bashku me nipçen. Kur ka ardhur me nipçen Rikut i kam dhënë edhe një pistoletë.
Organizimin e vrasjes së këtij personi e ka bërë Riku. Gjatë kohës që unë isha në Kosovë, kam komunikuar me Rikun nëpërmjet telefonit, i cili më kërkoi një automjet për të realizuar atentatin ndaj pronarit të shkollës Wilson. Për këtë unë i kam shkruar …………………, të cilit i kërkova një automjet për punë (atentate) …Makina ishte Golf 4, ngjyrë blu e errët. Këtë makinë Riku e ka marrë dhe e ka sjellë në Tiranë dhe më ka thënë se është në një garazh por se di se ku. Në dijeninë time kjo makinë nuk është përdorur për punë nga Riku. Pagesën për këtë makinë ia ka bërë Riku personit i cili ka dalë me një Jep Cheroke blind.
Riku më ka treguar se, kur ka shkuar të marrë makinën e kanë pritur dy persona, ku njëri prej tyre e ka nxjerrë makinë 30 metra larg nga blindi dhe më pas kanë qëndruar të dy në makinën e blidnuar duke pritur mbërritjen e Rikut, “nipçes”… Sipas Rikut njëri nga personat në blind ka qenë trup i mbushur dhe qeros. Ditën e ngjarjes Riku komunikoi me mua në Matrix dhe me tha “kusho lëre se u fëlliqëm”. Riku më tha se i ishte bllokuar arma.
Sipas Rikut në drejtim të objektivit ka qëlluar nipçja. Nuk e di se çfarë makine kanë përdorur për të vajtur apo për tu larguar nga ngjarja. Pas ngjarjes i shkrova kontaktit që më dha Suel Çela dhe i thashë me fal se dështuam. Ky personi me tha se e kishte marrë vesh dhe më tha të jenë mirë çunat. Fola dhe me Suelin për këtë por e trajtuam si me shaka, pasi ai ishte i kujdesshëm në bisedë. Për këtë porosi Henriku ka marrë 10.000 Euro kapar. Personi i cili ishte i interesuar dhe që ma kishte dhënë Sueli, më tha nxirr dikë te Tegu të marri kaparin prej 10.000 Euro. Më pas unë komunikova me Rikun të cilit i thashë të shkonte te parkingu i Tegut që të merrte 10.000 Euro. Henriku më ka thënë se ka shkuar me një makinë ML dhe kur ka qenë te parking e kam thënë të presi në makinë, më pas i ka shkaur te xhami një person që i ka dhënë porosinë prej 10.000 Euro. Edhe pse puna nuk u krye nuk e kemi kthyer shumën prej 10.000 Euro”, rrëfehet Dumani.
(BalkanWeb)
