ELBASAN

Autoriteti Rrugor Shqiptar ka njoftuar këtë të diel se kanë përfunduar ditën e djeshme punimet e tunelit në aksin rrugor Tunel–Elbasan, pjesë e autostradës Tiranë-Elbasan.

Sipas ARRSH, tuneli tashmë është i aksesueshëm nga të gjithë përdoruesit e mjeteve.

“Autoriteti Rrugor Shqiptar, njofton të gjithë përdoruesit e rrugës Tiranë-Elbasan se dje më datë 27 Prill 2019 kanë përfunduar punimet e tunelit  për stabilizimin e rrëshqitjes në aksin Tunel–Elbasan km.17.36 ÷ 17.46, pjesë e aksit Tiranë–Elbasan, në respektim të plotë të afateve të përcaktuara në kontratë. Tuneli tashmë është i aksesueshëm nga drejtuesit e mjeteve dhe po tashmë pasojnë ndërhyrjet me impakt mjedisor për rigjelbërimin e zonës’-thuhet në njoftim.

(n.m/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: