Nënkryetari i Lëvizjes Socialiste për Integrim, Petrit Vasili ka reaguar për sistemin e drejtësisë në vend.

Pas deklaratës së kryetares së KLGJ-së Naureda Llagami dhe ministrit të Drejtësisë Ulsi Manja gjatë prezantimit të hartës së re gjyqësore, Vasili thotë se tashmë kolapsi total i drejtësisë është një fakt.

Nëpërmjet një statusi në ‘Facebook’, Vasili thotë se lojërat me hartat gjyqësore janë një farsë që ripërziejnë pa zgjidhje çorbën e kolapsit të drejtësisë.

Statusi:

Lojrat me harte gjyqesore nje farse, qe riperzien pa zgjidhje çorben e kolapsit te drejtesise!

Kolapsi total i drejtesise eshte fakt.

3 mije çeshtje per nje gjyqtar do te thote qe realisht qytetaret te mos marrin kurre drejtesi.

Do te thote ulje e tmerrshme e cilesise se gjykimit per shkak te nje volumi absolutisht te paperballueshem.

Do te thote neperkembje e te drejtave dhe e barazise perpara ligjit per dhjetra mijra qytetare.

Do te thote hapesire pa fund per abuzuesit sepse drejtesia ndaj tyre nuk do te behet kurre.

Do te thote fushe e hapur per pandeshkueshmerine ne te gjitha nivelet e shoqerise.

Do te thote pasiguri e thelle juridike per bisneset dhe premise fondamentale per thellim te krizes ekonomike.

Lojrat dhe propaganda me harten e re gjyqesore eshte thjesht farse.

Mungesat e gjyqtareve ne sistemin e drejtesise jane kritike.

Harta e re gjyqesore thjesht riperzien corben e kolapsit dhe nuk i jep zgjidhje asaj, por vetem sa u shton mundimet qytetareve.

Drejtesia e kapur nga rilindja prodhoi kaos dhe uli pertoke autoritetin e drejtesise.

Reforma e kapur e drejtesise prodhoi zhgenjim dhe betonoi pandeshkueshmerine.

Asnje lloj propagande nuk e zgjidh dot kete baderdi organizative dhe ligjore me drejtesine.

Duhet reforme e vertete ne themel per ta cliruar nga kapja rilindase dhe per te ndalur nje dem te frikshem te themeleve te shtetit me efekt per dhjetra vitet qe do te vijne.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb