“Shqiptarët për shqiptarët” udhëtuan në fshatin Vranisht të Hasit. Takuam Lulzime Paçën 39 vjeç, e cila jeton me tre fëmijë.

Bashkëshorti Bajrami i ka vdekur në moshën 44 vjeçare pasi vuante nga tumori në veshka. Ai nuk kishte para mjaftueshëm për t’i kuruar, ndërroi jetë duke lënë tre fëmijë jetimë.

Për fat të keq tre fëmijët, ashtu si i ati vuajnë nga veshkat pasi mjekët u kanë thënë se kanë kiste. Vetë Lulzimja vuan nga migrena në fazë të avancuar.

Jeta e saj është ecejake mes banesës dhe spitaleve bashkë me fëmijët. Ka vuajtur shumë, nuk ka parë një ditë të bardhë nga varfëria dhe sëmundjet që i janë ulur këmbëkryq në shtëpinë e saj.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb