TIRANË

Deklarimi i të ardhurave dhe hetimi i stilit të jetesës në bazë të pagës, ka qenë në fokus të emisionit “Open” në News24 mbrëmjen e sotme. Por a do jenë pjesë e hetimit të këtij stili dhe politikanët? Zëvendës ministri i Financave Besart Kadia tha se politikanët bëjnë deklarimin vjetor të pasurisë.

Ndërkohë që gazetari Enton Abilekaj tha se veshjet dhe çantat e politikanëve janë sa tre herë paga e tyre dhe se jepen urdhra të brendshëm që të mos i marrin në parlament për të mos rënë në sy. Ai shtoi se e gjitha është propagandë dhe s

A do deklarohen të ardhurat dhe stili i jetesës së politikanëve?

Kadia: Do dalë me kohën. Nuk e di pse po bëhet sikur është ligji në parlament dhe tani po merremi me detajet. Politikanë bëjnë deklarimin vjetor të pasurisë.

Lapaj: Çështja është të mos mbivendosen institucionet. Po çantat e deputeteve, rripat etj. do verifikohen?

Abilekaj: Veshjet, çantat e tyre janë tre herë sa paga e tyre. Si e blen ai, me çfarë të ardhurash? A hetohen? Jepen urdhra të brendshëm mos merrni çanta të shtrenjta se bini në sy. Rama s’ka dhënë një herë të dhëna të sakta, deklarimin. ILDKP ishte në varësi të Presidentit dhe e kanë këta tani. Këta nuk udhëheqin me forcën e shembullit siç thotë Edi Rama. Veten e shmangin nga çdo hetim dhe kur SPAK heton ndonjë nga këta ata dalin në Kongres. Paradën e kullave në mes të Tiranës nuk e heton njeri. Ama po more makinën 100 mijë euro do ta hetojnë të gjithë. Kjo është zgjidhja? Këtu kemi të bëjmë me një propagandë, me kontrollin e shtresës së mesme. Atë që tentoi të vrasë. Shtresa e mesme është ajo që e rrëzon nga pushteti. Ai do të kontrollojë pagat tona, jo të ardhurat e biznesit të madh, jo paratë e kullave. Ata e kanë aty, të shkojnë te kullat, kredi s’kanë marrë, ku i gjetën? Raporti i KE e thekson çdo vit, pastrimi i parave është problem shumë shqetësues për të cilin nuk po bëhet asgjë. Ai do të kontrollojë ato para që kalojnë nëpërmjet bankës. Qëllimi nuk është të kontrollojë evazionin fiskal.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb