Hidhet në erë me tritol depoja e Ujësjellësit në fshatin Kopacez në Delvinë. “BalkanWeb” mëson se ngjarja ka ndodhur mbrëmjen e së mërkurës rreth orës 21.00.
Një sasi tritoli është vendosur tek tubi qendror që bënte të mundur dërgimin e ujit në depo. Sot Ujësjellësi i Delvinës pas punimeve pritet të lidhë ujin për furnizimin e lagjes “Badher” në ketë fshat që ka vuajtur për ujë. Dëmi, siç raportohet është i konsiderueshëm.
Policia prej ditës së djeshme ndodhet në vendin e ngjarjes dhe po punon për zbardhjen dhe dokumentimin e plotë të saj.
(m.a/BalkanWeb)