Sot shënohet 78 vjetori i përfundimit të Holokaustit, ku u vranë 6 milionë hebrenj nga Gjermania naziste, me në krye Adolf Hitlerin.

Hannah Lewis ishte vetëm shtatë vjeçe kur pa një ushtrinë naziste duke ekzekutuar nënën e saj.

Ajo arriti ti shpëtonte ekzekutimit pasi u arratis në një kamp pune në një fshat polak në vitin 1943.

Babai i Hannas, Adami, iku nga kampi për t’u bashkuar me partizanët, një lëvizje hebreje e rezistencës gjatë Luftës së Dytë Botërore dhe u kthye për të paralajmëruar për një sulm të afërt nazist.

Mirëpo, nëna e saj, Haya, refuzoi të arratisej, nga frika se Hana ishte sëmurë me temperaturë të lartë.

“Për sa kohë që unë jetoj, gjithmonë do të pyes veten se për atë natë. Si e mori vendimin? A ishte e drejtë?”, tha Hannah Sophy Ridge për “Sky news”.

Të nesërmen në mëngjes, Hannah dëgjoi “bërtitje” dhe “ulëritje” pas mbërritjes së Einsatzgruppen, njësia celulare e vrasjes naziste përgjegjëse për të shtënat masive të hebrenjve.

“Papritmas pati një goditje në derë dhe nëna ime u gjunjëzua, më mori në krahë dhe më dha një përqafim dhe një puthje. Ajo nuk vrapoi, nuk bëri zë, shkoi te dera, hapi derën dhe e mbylli fort pas saj. Prita që ajo të kthehej… por ajo nuk u kthye”, tha Hannah.

Pas luftës, Hannah dhe babai i saj jetuan në qytetin polak të Lodz.

Në vitin 1949 u transferua në Britani për të jetuar me tezen dhe dajën e saj të madh, ndërsa babai i saj u largua nga Polonia për në Izrael në 1953.

Tashmë Hannan është bërë gjyshe dhe ftohet shpesh herë në shkolla dhe universitete për të ndarë eksperiencën e saj të hidhur për Holokaustin.

“Herë pas here fëmijët thonë ‘A e tregon historinë tënde sepse i urren gjermanët?”, thotë ajo.

“Unë them jo, e tregoj historinë time sepse kujdesem për ty. Kujdes nga njerëzit që ju premtojnë botën dhe në fakt nuk e bëjnë”, u shpreh Hannah.

(BakanWeb)