Dashi
Nuk ka arsye pse të ndiheni në faj apo turp. Gjithçka ndodh për një arsye. Nuk keni pse të ndryshoni sjellje për faj të personave të tjerë. Mjafton të tregoheni i sinqertë në punën tuaj dhe gjithçka ka për t’u zgjidhur.

Demi
Ndjenjat tuaja janë mjaft të thella për dikë, por problemi qëndron se asnjëri nuk ju merr seriozisht. Duhet të tregoheni më të vendosur në ato që shprehni e thoni. Ndoshta nuk është momenti i duhur për të bërë lëvizje të tilla.

Binjakët
Njerëzit nuk janë të lehtë për t’u kuptuar e aq më shumë për t’u besuar. Ndjeshmëria që keni ju bën që t’u besoni shumë shpejt, por bëni kujdes. Mos bini pre e situatave të panjohura për ju.

Gaforrja
Të afërmit tuaj kanë për t’jua ndryshuar planet për ditën e sotme, por do të jetë një plan zbavitës. Mos u shqetësoni, pasi ju vetë nuk kishit planifikuar diçka të veçantë. Aktivitetet do ju kënaqin tej mase, duke marrë kënaqësinë që meritoni.

Luani
Nëse jeni duke vlerësuar çdo gjë që ndodh, në fund të fundit do të thotë se gjërat janë shumë më mirë, si për veten tuaj, ashtu edhe për të afërmit. Çdo gjë që bëni ka pasur sukses dhe sigurisht gjithmonë ka qenë një fillim i mirë për perspektiva të reja. Mund të përballoni çdo gjë.

Virgjëresha
Situata e fundit me të cilën jeni përballur nuk ju ka bërë të ndiheni mirë dhe gjëja e vetme që keni dashur ka qenë të largoheshit. Nuk keni qenë aspak në gjendje ta përballoni. Por sot jeni mjaft të vetëdijshëm dhe do filloni të korrigjoni gabimet.

Peshorja
Energjia nuk mund të bjerë në këtë ditë, sepse keni nevojë për shumë forca dhe mbështetje psikologjike për të përballuar shumë sfida. Ju mund ta bëjë këtë, të qëndroni të fortë. Jeni tepër këmbëngulës dhe, mbi të gjitha, keni mbështetjen e partnerit.

Akrepi
Edhe pse njerëzit që do keni rrotull sot do të kenë momente nervozizmi, mundohuni të ruani qetësinë, sepse do të jetë një ditë aspak e qetë apo argëtuese sikurse e kishit planifikuar. Natyra juaj e qetë mund t’i mbyllë debatet sa më lehtë.

Shigjetari
Nëse deri më tani nuk ju kanë trajtuar ashtu siç e meritoni, sot keni për të provuar diçka ndryshe. Do të jetë dita juaj dhe do të jeni në qendër të vëmendjes. Shfrytëzojeni ditën në maksimum, sepse momente të tilla shijohen rrallë.

Bricjapi
Mund të keni kaluar shumë ditë sfiduese dhe të çmendura, por ajo që do të kaloni sot do të jetë shumë më tepër. Jo vetëm duhet të parapërgatisni veten për diçka të papritur, por duhet dhe të menaxhoni kohën. Keni shumë pak kohë dhe shumë ngjarje kanë për t’u zhvilluar. Jeni mësuar me surpriza të tilla.

Ujori
Një situatë e familjes nuk do të jetë siç e kishit imagjinuar. Megjithatë nuk duhet të dëshpëroheni. Keni ende kohë për të ndryshuar pjesën më të keqe. Puna ju ka marrë shumë kohë dhe nuk keni qenë të kujdesshëm ndaj familjes, por tashmë jeni në dijeni të situatës.

Peshqit
Nuk keni pse ndryshoni pamjen tuaj apo karakterin vetëm e vetëm se dikush jua kërkon. Qëndroni ky që jeni dhe mjaft me sakrifica! Prisni njëherë dhe shihni se çfarë mund të bëjnë të tjerët për ju.