Dashi
Prej disa ditësh po mendoni si të dilni nga një situatë e vështirë ku jeni përfshirë. Mund të jetë një situatë financiare, një investim i bërë gabim ose një llogaritje jo e mirë. Mundohuni të këshilloheni me një të afërmin tuaj për të mos bërë lëvizje të gabuara.
Demi
Merrni një periudhë pushimesh për të fituar më shumë energji. E keni të nevojshme në këtë moment, pas një kohe të gjatë me punë intensive dhe stres të vazhdueshëm. Prania e familjarëve tuaj do të ishte mjaft argëtuese.
Binjakët
Vazhdoni të mos e humbni besimin te partneri edhe pse mund të kenë lindur shumë dyshime. Me kalimin e kohës do të sqarohet çdo keqkuptim mes jush. Mundohuni të jeni më të afruar e mos lejoni të krijohet kjo distancë mes jush.
Gaforrja
Po kaloni momente shumë të bukura, ndoshta edhe për shkak të sezonit i cili është majft i qete. Shijojeni në maksimum dhe fitoni energji të reja për punën tuaj pasi shumë shpejt do të keni ngritje në detyrën tuaj.
Luani
Keni një parandjenje brenda jush që po pret të shfaqet për mirë ndoshta edhe për keq. Mos e lini talentin që ju karakterizon të humbasë, por viheni në zbatim sa më shpejt. Janë mjaft të tjerë të cilët mezi presin tu vlerësojnë për atë cka do ofroni.
Virgjëresha
Shqetësimet tuaja në këtë ditë në fund do zhduken pas ndërhyrjes në kohë të dikujt që të sheh ty në vështirësi dhe që tregon dëshiren të ndihmoj. Mos prisni të njëjtin trajtim në të ardhmen, pasi jo gjithmonë do ju kushtojnë vëmendjen e duhur personat që ju rrethojnë.
Peshorja
Po kaloni një moment pasigurie dhe ju duket sikur të tjerët e kanë fajin për këtë. Përpiquni ta gjeni gabimin edhe te vetja dhe të korrigjoheni në kohën e duhur pa ju shkaktuar probleme të mëtejshme me personat e afërm.
Akrepi
Do të jetë shumë i nevojshëm një ndryshim për të pasur veçanërisht një shëndet të mirë.Parashikohet të bëni disa ndryshime rrënjësore në mënyrën tuaj të të jetuarit.Keni kohe që shqetësoheni për shëndetin tuaj. Kujdesuni.
Shigjetari
Këshilloheni të tregoni më shumë vëmendje ndaj një marrëdhënieje intime e cila mund të kthehet në diçka serioze. Njerëzit që keni përreth mund të mos e miratojnë këtë lidhje, por jeni ju që vendosni nëse ndjeheni ashtu si duhet apo jo.
Bricjapi
Keni nevojë për dashurinë e një personi i cili nuk po shfaqet në horizont për ju. Por kjo nuk do të thotë se ju nuk do ta gjeni atë, mjafton që të tregoni më shumë afrimitet. Clirohuni nga emocionet tuaja dhe lëreni veten të lirë.
Ujori
Ju presin momente shumë të bukura me shoqërinë pas një dite të mbushur e të organizuar mjaft mirë .Rrimerni fuqitë për një projekt i cili është mjaft me rëndësi për ju.Do të ndiheni në formë shumë të mirë emocionale, kjo ndoshta për shkak të shoqërisë së mirë ku e gjeni veten.
Peshqit
Kishit pritur më shumë, por pritshmëritë jo gjithmonë dalin të vërteta. E rëndësishme është që të mos humbisni besimin, sepse në atë moment humbet gjithçka. Do të kthehen përsëri personat që nuk ju kanë vlerësuar apo ju kanë bërë të ndjeheni keq.