SHBA – Horror në SHBA. Një grua shtatzënë në muajin e tetë u vra në North Dakota, SHBA. Prokuroria për vrasjen e Savanna Marie Greywind akuzon një çift, të cilët ishin fqinjët e së resë. Sipas saj ata vranë 22-vjeçaren dhe më pas i morën fëmijën. Trupi i pajetë u gjend buzë lumit.
Savanna Marie ishte zhdukur që prej datës 19 gushtit. Dyshimet në lidhje me çiftin erdhën pasi ditën e djeshme policia gjeti foshnjen në shtëpinë e Brooke Lynn Crews 38 vjeç dhe William Henry Hoehn 32 vjeç. Ata u arrestuan ndërkohë që foshnja iu dorëzua shërbimeve sociale.
Sipas çiftit 22-vjeçarja ia kishte dorëzuar vet foshnjën dhe më pas ishte larguar. Autopsia përcaktoi se vajza ishte “vrarë me dhunë”, por autoritetet nuk kanë dhënë detaje në lidhje me vdekjen.
(BalkanWeb)