Kandidati për kryeministër i Lidhjes Demokratike të Kosovës, njëherazi kryeministër në detyrë Avdullah Hoti, u shpreh se Kosova ka përmbyllur një proces të rregullt zgjedhor.
Hoti tregon për kulturën demokratike që është vendosur në këtë proces zgjedhor, është përmbushje e standardeve evropiane.
Ai tha se pret që Komisioni Qendror i Zgjedhjeve të përmbyllë sa më parë procesin e numërimit të votave dhe certifikimit të rezultateve, që t’i hapet rrugë themelimit të institucioneve të reja të vendit.
Qeveria në detyrë, tha Hoti, do të kujdeset për mbarëvajtjen e punëve deri në zgjedhjen e qeverisë së re nga Kuvendi i Republikës së Kosovës.
“Rezultatet preliminare janë krejt tjera prej atyre që kemi pritur. Prandaj, unë e marrë përgjegjësinë e plotë për këtë rezultat zgjedhor të LDK-së. Në ditët në vijim do të diskutojmë gjerësisht me organet e LDK-së për këtë. Në emër të LDK-së ne do të jemi mbrojtës të pa kompromis të demokracisë dhe të orientimit properëndimor, duke qenë opozitë konstruktive në interes të shtetit të Kosovës”, tha Hoti.
BalkanWeb