DURRËS
Një aksident me vdekje ka ndodhur afër mbikalimit të Shkozetit në autostradën Tiranë- Durrës. Një kamion me targat AA 216 AE me drejtues A.B, ka përplasur një kalimtar 50- vjeçari cili ka mbetur i vdekur në vend.
Gazetarja Klodiana Haxhiaj raporton për BalkanWeb se ambulanca shkoi drejt vendit të ngjarjes për të transportuar të plagosurin për në spitalin e Durrësit, por ishte shumë vonë . Ndërkohë ende nuk bëhet me dije identiteti i viktimës.
NJOFTIMI I POLICISË
Durrës/Informacion paraprak
Më datë 05.02.2020, rreth orës 17:00, tek vendi i quajtur mbikalimi i Shkozetit, shtetasi A.B., duke drejtuar mjetin tip “Man” kamion, ka aksidentuar një këmbësor rreth 50 vjeç, i gjinise mashkull , akoma i pa identifikuar, i cili për pasojë ka ndërruar jetë. Grupi hetimor ndodhet në vendngjarje dhe po punon për zbardhjen e shkakut të aksidentit. Drejtuesi i mjetit është shoqëruar në ambjentet e Policisë për veprime të mëtejshme.
(BalkanWeb)