Martesa e tij sigurisht nuk do të jetë si ajo e Royal Wedding, por sigurisht që për këtë martesë do të flitet në Kensigton dhe përreth territorit mbretëror. Hugh Grant, 57 vjec, do të çojë drejt altarit të fejuarën e tij suedeze Anna Eberstein, 39 vjeç.
Lajmi i cili është mbajtur sekret, është publikuar nga regjistri i Kensington dhe Chelsea.
Me nusen e ardhshme, me të cilën është në lidhje që prej 6 vjetësh, aktori ka tre fëmijë, më i vogli më pak se tre muaj. Por babai Hugh ka edhe të tjerë fëmijë me ish Tinglan Hong.
Pavarësisht jetës së tij sentimentale shumë aktive, marrëdhënies së tij 13 vjeçare me Elizabeth Hurley dhe shumë flirte me shumë kolege, përfshirë Drew Barrymore, bukuroshi nuk kishte folur kurrë për martesë dhe askush nuk shpresonte më.
Anna dhe familja e krijuar së bashku duket se i kanë ndryshuar më në fund mendjen aktorit të njohur anglez.
(da.xha/BalkanWeb)